秋風起，又嚟到食大閘蟹嘅季節啦，相信一眾蟹迷都等到頸都長埋！好多人食蟹都會配搭經典嘅花雕、黃酒。其實配大閘蟹嘅酒又點止咁少，你又知唔知日本酒配大閘蟹同樣出眾，甚至能為你帶嚟新嘅味覺享受。合興隆為大家精選出 3 款日本美酒，今個蟹季，不如試下新嘅美酒配搭啦！

清酒

酒屬溫熱食物，都有散寒功效，食大閘蟹嘅時候亦都可以配一杯小酒，重點係將酒加熱至大約40度飲，有行氣活血之功效。不過唔係所有酒都可以加熱享用，不妨以日本清酒或古酒佐餐，清酒嘅最佳適飲溫度介於0~60℃，更係飲用溫度最廣嘅酒類，揀選純米酒、生酛或山廢等口感柔及醇厚嘅酒款佐以甜香而有份量嘅蟹膏最為適合。

古酒

古酒係清酒嘅其中一種，但釀成之後要經過陳年最少三年或以上先可稱為古酒。隨住時間嘅積累，酒體沉澱成有如陳年普洱般嘅金黃琥珀色，入口濃郁多味，有效僻走海鮮腥臭味，亦都令海鮮嘅鮮甜大大提升，一口油香豐富嘅蟹膏，一口飽滿濃醇嘅佳釀，真是極致嘅享受！

薑酒

梅乃宿最新推出嘅細果粒薑酒，用咗大量嘅薑泥調製而成，刺激且豐富口感嘅果酒。因為呢種酒含有大量嘅薑泥，飲嘅時候可以感受到舌尖上有薑泥在跳舞嘅感覺。薑泥所呈現嘅香氣同帶俾味蕾嘅深度感受、係梅乃宿酒造所自豪嘅商品。以薑酒１：暖水２／３嘅飲用方式更係超乎想像咁好飲。特別喺秋冬季，天氣寒冷，飲兩啖薑酒真係暖入心頭，無論配蟹定係淨飲都是一流！更可以試吓蘇打水、薑汁汽水、甚至用啤酒調和，玩法多變！

不同蟹種當造季節

食蟹配酒，當然唔係大閘蟹嘅專利啦！以上 3 款日本酒配搭任何一款蟹種都咁夾。最重要係揀啱食蟹季節，就可以食到最當造最肥美嘅靚蟹。

蟹種

月份

 

三點蟹

11 月至 12 月

 

花蟹

10 月至 3  月

 

肉蟹

3 至 4 月、 7 至 9 月

 

長腳蟹 

9月至2月

 

大閘蟹

10月至12月

 

無論係以熟成嘅清酒配大閘蟹，抑或陳年嘅古酒，定係獨特嘅薑酒都值得試試，不過大閘蟹屬寒涼之物，不宜多食，美味養生，醉不誤秋…

更多蟹伴...