打邊爐最緊要係咩？係酒啊！除咗飲啤酒gur一gur之外，你又有冇花心思諗吓打邊爐配酒呢？你可能會問，火鍋食材同湯底千變萬化，到底點配酒啊？今次合興隆為大家精選出幾種最啱打邊爐飲嘅美酒，今個秋冬係時候享受「星級」打邊爐體驗！
香檳
一家人圍爐開大餐聚首一堂，最啱開一支慶祝專用嘅香檳！冰鎮嘅香檳配上熱辣辣嘅火鍋，兩者相互中和，清洗味蕾；二次發酵帶嚟嘅綿密幼滑氣泡亦可平衡肉類的油脂感覺，再加上清新嘅酸度，襯托出海鮮的獨有鮮甜味。
還未試過香檳X邊爐的你，推薦你迪迪埃‧肖邦一級田陳年香檳，豐富的花香味，及清爽的柑桔香氣，陳年後獨有的礦物香，加上綿綿不絕嘅氣泡，搭配邊爐幾乎無懈可擊！
適合食材及湯底：海鮮、各種肉類及湯底
清酒
鮮味（旨味）係清酒味道中最重要的一環，而鮮味主要來源自胺基酸，清酒嘅胺基酸含有量係啤酒或葡萄酒嘅好幾倍。打邊爐時從來不缺好嘅海鮮食材，豐富嘅胺基酸能昇華海鮮類嘅鮮味同時去除海鮮嘅腥味，兩者產生嘅火花絕對會令你驚喜。
玉乃光擁有三百多年釀酒歷史，堅持只做高品質的純米酒。玉乃光純米大吟釀備前雄町熟成三年，使用幻之古米「備前雄町」再經過三年低溫熟成的純米大吟釀作配搭，香氣濃郁有層次，尾韻綿長，些些的酸度，加上扎實的酒體就算配搭濃味的湯底也十分和諧，推薦冷凍後享用。
適合食材及湯底：海鮮、清湯
紅酒
如果當晚揀選的湯底係比較濃味，不妨配搭上厚身一點的紅酒，例如來自意大利知名產區Valpolicella的頂級酒莊Valleselle，出產的Aureum Acinum Amarone Della Valpolicella Classico DOC，這支酒是酒莊的頂級之作，亦是著名的風乾葡萄酒。用風乾法晾乾葡萄，令葡萄內水份減少，濃縮風味及糖份。入口厚身又柔順，味道成熟醇厚，帶有誘人的紅色果實及獨特的辛香料香味，配上沙嗲鍋或豬骨湯底，濃味配濃味，滾一滾肥牛，簡直一絕！
相反，如果食海鮮火鍋，就要避免搭配紅酒，因為紅酒會加重海鮮嘅腥味，產生一種類似鐵銹嘅味道。
適合食材及湯底：沙嗲湯底、豬骨湯底、肥牛
甜酒
差不多進入冬季，嚴寒之下，整一個麻辣火鍋，不但可以刺激味蕾，更有助驅寒袪濕，但食辣野又應該如何配酒呢？
麻辣火鍋口味重又比較油膩，配合輕身一點，而且帶有甜度的氣泡酒就最適合不過。來自意大利的Cugnexio Moscato D’ASTI是一款微甜氣泡酒，酒精濃度低，帶有豐富的荔枝及蜂蜜香味，淡淡甜味可以緩和辣感，冰震過後的D’Asti加上綿密汽泡，又可以平衡油脂感，讓你一口接一口！
適合食材及湯底：麻辣湯底、羊肉湯底、肥牛、羊肉