【新年輕鬆配酒 3 大簡易配酒法】
紅肉一定要配紅酒？海鮮一定要配白酒？呢種千篇一律嘅配酒原則只會限制你對 food pairing 嘅想象，令飲酒變得毫無樂趣！配酒絕對唔係 fine dining 嘅專利，只要掌握幾個基本配酒法則，就可以將配酒融入日常便飯當中。適逢新年，就等合興隆教大家 3 招簡易配酒法，增加食賀年菜嘅滋味啦！
甜配甜 酸配酸
最簡單嘅配酒方法係以味道為主，配以相同味道嘅酒可以帶來味覺平衡，食物同酒嘅味道唔會被對方掩蓋或發生衝突，甚至做到相輔提昇嘅效果。例如甜度高嘅甜品配搭乾澀嘅紅酒，紅酒苦味會更加突出，甜點嘅香甜亦無法被帶出。
建議配酒：年糕 X 甜白酒
甜中帶酸嘅白酒配年糕最適合！酒嘅香甜與年糕嘅甜味最夾，微酸亦可中和年糕嘅黏膩感，帶出庶糖的香味。
重對重 輕對輕
另一個竅門係「重油重味」食物配酒體「厚實」嘅酒；「輕油輕味」則配酒體「輕盈」嘅酒。簡單而言，油膩嘅肉類、濃味醬汁適宜配濃郁嘅酒，亦即係單寧高嘅紅酒。相反，海鮮、甜酸菜式適宜配輕身嘅酒，亦即係清新嘅甜白酒。
建議配酒：臘味蘿蔔糕 X 紅酒
焦香嘅臘味同紅酒係最佳拍檔！紅酒中嘅單寧可以中和臘味嘅油膩。如果你怕紅酒澀味，可以揀黑皮諾 (Pinot Noir)，單寧適中，帶有果香，大部分人都唔會抗拒。
汽泡酒配香口小食
汽泡酒甜甜哋又清新，基本上係百搭酒款，喺派對或聚會飲用，氣氛十足，與香脆小食口感十分匹配，汽泡亦可以為食物增添唔同口感。
建議配酒：汽泡酒 X 賀年小食
賀年小食如油角、煎堆、瓜子等食得多會覺得油膩甚至熱氣，配搭汽泡酒唔單止能中和油膩感，仲會令你飲到停唔到口！汽泡酒口味大眾化，最啱過年開返支與親朋戚友一邊傾偈一邊品嘗。
只要掌握幾個基本配酒法則，就可以將配酒融入日常便飯當中😉
適逢新年，就等合興隆教大家 3 招簡易配酒法，增加食賀年菜嘅滋味啦!!
推廣優惠：
